كتب محمود بادياب
ونقول إن كل اللي خدوا اراضي .. من الخديوي او الملك او من هوانم القصر أومن الانجليز .. كانوا خدم وشماشرجية وخونة وعيون على أحرار الوطن .. لينكل بهم القصر والمستعمر .. ومع كده بياخدوا بالصرم ... في قيديو لحديث دكتور ابراهيم بدران وزير الصحة ورئيس جامعة القاهرة الآسبق .. الله يرحمه .. موجود على اليوتيوب .. بيقول فيه .. لما كان الترماي بيعدي من ميدان التحرير .. وكان مكان فندق هيلتون وموقف السيارات الحالي .. وأمام المتحف المصري .. معسكراً كبيراً للقوات البريطانية .. كان أي عسكري بريطاني يركب الترماي .. اللي احنا فيه رايحيين او راجعين من المدرسة .. كان العسكري يلسع المصريين الراكبين بالكرباج !!؟؟ بدون سبب .. فقط لأنهم .. مصريين .. ومزاجه كده ..
نقول تاني : قبل ثورة يوليو .. كان كل الملاك المصريين للاراضي .. كان آبائهم وجدودهم .. من اللي بياخدوا بالصرم .. كل ارض مصر كانت تحت امر ومِلك .. المستعمر البريطاني .. والقصر الملكي .. ومنحوا منها استقطعوا "قطع" للخدم .. والخونة .. وعبيد القصر والهوانم والانجليز .. وسمتهم الثورة بعد كده ... "الاقطاع" .. وسحبتها منهم .. ومن الملك والعائلة المالكة كلها والانجليز وهم لسة موجودين على أرض مصر بقواتهم المدججة بالسلاح ووزعتها على الفلاحين السخرة قبل مرور شهرين على ثورة 23 يوليو 1952.. في 9 سبتمبر 1952 .. واصبحوا بعد ذلك المصريين أسياداً في وطنهم ... واللي يقول .. النهارده .. انا ابن او حفيد "إنجي هانم" .. بقول له .. "إنجي وأبوك وجدك" مخدوش الارض .. إلا لخدمة متدنية وواطية أو مهانة أو تعريص أو خيانة أو عمالة رخيصة .. وكانوا مع كل ده .. بياخدوا بالصرمة و الكرباج .
** والمستعمر البريطاني .. سخر الشعب المصري والسوداني لبناء السدود .. لزيادة مساحة الارض المنزرعة "سخرةً" بالقطن .. ليرسل القطن المصري والسوداني لمصانع "لانكشاير" البريطانية .. وكان القطن هو المنتج الوحيد في ذلك العصر لصناعة الأقمشة والملابس .. قبل ان تنتج اليابان الألياف الصناعية مؤخراً .
** واللي يقول الجنيه المصري كان يساوي الجنيه الدهب .. نسأله .. هو الجنيه كان مع مين .. هل كان مع الحفاة !؟
** كانت شعوب المستعمرات ومنها مصر .. شعوباً حفاة سخرة ((زي تجريدة الفلاحين اللي في الصورة يقودهم "خولي" خسيس لفلاحة أرض أسياده)).. ينتشر بينهم الامراض الجلدية والسل الرئوي والبلهارسيا والانكلستوما (طبعاً الأمراض دي مبتسمعوش بيها لآن) ..وعبيداً وسخرة للمستعمر البريطاني والفرنسي والبلجيكي والهولندي والايطالي والالماني .
**واللي عاوز يرجع .. ويتركب .. ومشتاق للعبودية .. هو حر في نفسه .. يروح ويتركب هناك عندهم.
تعليقات
إرسال تعليق